هل شفت فريق بهذا “الاسكواد” في العالم، يقدم كل هذا الأداء الرهيب والممتع قدام الفرق الكبيرة قبل الصغيرة ؟
احتاج فقط تسمي لي نادي واحد ينافس على كل البطولات في اوروبا او خارجها، ونص لاعبيه لا زالوا على مقاعد الدراسة الثانوية، والنص يالله بحسن الخاتمة!
بعيدًا عن طموح التتويج باللقب الأوروبي الغائب وحتى الليغا، وحظوظ التأهل من سان سيرو اللي لاما زالت في المتناول، فاللي حققه برشلونة هذا الموسم يتجاوز النتائج والألقاب.
احنا قدام فريق أعاد اكتشاف ذاته ، تجاوز التوقعات، واجه العواصف من غير فقدان هويته، الهوية اللي صنعها نجوم كبار باسكواد كان فيه ميسي تشافي انيستا بوسكيتش وباقي العباقرة مش بالاسكواد الحالي .
خلونا اذكركم من كام شهر بس، النادي غارق في الأزمات، خارج من ديون متراكمة إلى قضايا لا تنتهي، ومشكلة التوازن المالي اللي خلانا نبيع كراسي الكامب نو، وغياب الصفقات الكبرى، ودكة تقدر تقول "مشي حالك". لكن في برشلونة الفرق كان بـ لاماسيا… مدرسة المواهب اللي ترسخ مقولة "كرة القدم لا تشترى دائمًا بالمال".
تخيل أن الفريق اضطر اخر الموسم يعتمد على لاعبين مثل مارتن باو توريس، كريستنسن ، اروخو ، فاتي ، حتى صاحب الدخان تشيزني، وفي مواجهات هامة بدوري أبطال أوروبا او جولات الحسم في الليغا، والكأس اللي حققناه قدام الريال..
يوم وصل هانز فليك لبرشلونة بالقطار ، كأنه مسافر مع الصوالين حق دمنة خدير ، كل المؤشرات كانت تقول برشلونة يمضي نحو المجهول، والله يعين الألماني على الخيبات الأوروبية اللي كان هو اشهر الموقعين عليها بثمانية البايرن!
مع مضي الموسم ، شفنا فريق يجبرك على التصفيق له، حتى لو كانت ملكي معتق ، فريق حقق ارقام كبيرة جدا ، عمل اكثر من ريمونتادا طوال الموسم، سدد ديون تأخرت في مواسم ماضية أمام فرق كبيرة جدا ، بايرن ميونيخ وريال مدريد على وجه التحديد !
الخلاصة، قد يغادر الفريق البطولة، وممكن يعبر للنهائي… لكن في الحالتين، اللي فعله برشلونة هذا الموسم يستحق التقدير، والثقة بمواهب لاماسيا، وبالمشروع، اللي يقوده الداهية الألماني .
اعود للسؤال أعلى البوست : " اعطوني فريق واحد فقط في اوروبا او خارج اوروبا بهذا الاسكواد (اللاعبين) ووصل لهذا المستوى من المنافسة !"